Header Ads

ລາວ​ມີ​ເຂື່ອນ​ໄຟ­ຟ້າ​ລວມ 61 ແຫ່ງ ພ້ອມ​ມີ​ໂຄງ­ການ​ກຳລັງ​ກໍ່­ສ້າງ 36 ໂຄງ­ການ ຄາດ​​ສຳ­ເລັດ​ 2019-20




ກອງ​ປະ­ຊຸມ​ຖອດ​ຖອນ​ບົດ­ຮຽນ​ການ​ຄຸ້ມ​ຄອງ ແລະ ດຳ­ເນີນ​ທຸ­ລະ​ກິດ​ບໍ­ລິ­ການ​ກໍ່­ສ້າງ ແລະ ຕິດ​ຕັ້ງ​ໄຟ­ຟ້າ ປະ­ຈຳ​ປີ 2018 ​ໄດ້​ຈັດ​ຂຶ້ນ​ເມື່ອ​ບໍ່​ດົນ​ມາ​ນີ້ ທີ່​ລັດ​ວິ​ສາ​ຫະ​ກິດ​ໄຟ­ຟ້າ​ລາວ ​ໂດຍມີ​ທ່ານ ຄຳ​ມະ­ນີ ອິນ​ທິ​ລາດ ລັດ­ຖະ­ມົນ­ຕີ​ກະ­ຊວງ​ພະ­ລັງ­ງານ ແລະ ບໍ່​ແຮ່, ບັນດາ​ຮອງ​ລັດ­ຖະ­ມົນ­ຕີ, ­ໜ້າ​ກົມ, ຫົວ­ໜ້າ​ສາ­ຂາ​ໄຟ­ຟ້າ​ປະ­ຈຳ​ແຂວງ ຫົວ­ໜ່ວຍ​ທຸ­ລະ​ກິດ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ຜ່ານ​ການ​ລາຍ​ງານ​ຂອງ​ທ່ານ ທອງ​ພັດ ອິນ​ທະ​ວົງ ຮອງ​ລັດ­ຖະ­ມົນ­ຕີ​ກະ­ຊວງ​ພະ­ລັງ­ງານ ແລະ ບໍ່​ແຮ່ ຕໍ່​ວຽກ​ງານ​ກໍ່­ສ້າງ ແລະ ຕິດ​ຕັ້ງ​ໄຟ­ຟ້າ ໂດຍ​ສະ­ເພາະ ການ​ສ້າງ​ເງື່ອນ­ໄຂ​ໃຫ້​ທຸກ​ເປົ້າ​ໝາຍ​ເຂົ້າ​ເຖິງ​ການ​ຊົມ­ໃຊ້​ກະ­ແສ​ໄຟ­ຟ້າ ໃຫ້​ມີ​ຄວາມ​ສະ­ດວກ​ສະ­ບາຍ ຜ່ານ​ມາ​ການ​ພັດ­ທະ­ນາ​ອຸດ­ສາ­ຫະ­ກຳ​ພະ­ລັງ­ງານ​ໄຟ­ຟ້າ​ຢູ່​ລາວ​ເຮົາ ໄດ້​ມີ​ບາດ­ກ້າວ​ຂະຫຍາຍ­ຕົວ​ຢ່າງ​ຕໍ່​ເນື່ອງ ແລະ ໜັກ​ແໜ້ນ ​ເຊິ່ງປັດ­ຈຸ­ບັນປະ­ເທດ​ລາວ​ມີ​ແຫຼ່ງ​ຜະ­ລິດ​ພະ­ລັງ­ງານ​ໄຟ­ຟ້າ​ທັງ​ໝົດ 61 ແຫ່ງ ລວມ​ກຳ­ລັງ​ການ​ຕິດ​ຕັ້ງ 7207.24 ເມ​ກາ​ວັດ ສາ­ມາດ​ຜະ­ລິດ​ພະ­ລັງ­ງານ​ໄຟ­ຟ້າ​ໄດ້ 37,366.66 ກິ​ກາ​ວັດ​ ໂມງ​ຕໍ່​ປີ.

ໃນ​ນີ້, ມີ​ເຂື່ອນ​ຜະ­ລິດ​ກະ­ແສ​ໄຟ­ຟ້າ​ຂະ­ໜາດ​ກາງ​ຫາ​ໃຫຍ່ 32 ແຫ່ງ, ເຂື່ອນ​ຂະ­ໜາດ​ນ້ອຍ 15 ເມ​ກາ​ວັດ​ລົງ​ມາ​ມີ 21 ແຫ່ງ ໄຟ­ຟ້າ​ຖ່ານ​ຫີນ 1 ໂຄງ­ການ ໄຟ­ຟ້າ​ພະ­ລັງ­ງານ​ທົດ​ແທນ 2 ແຫ່ງ ແລະ ໂຄງ­ການ​ໄຟ­ຟ້າ​ແສງ​ຕາ­ເວັນ 5 ແຫ່ງ ພ້ອມ​ນີ້, ຍັງ​ມີ​ໂຄງ­ການ​ກໍ່­ສ້າງ​ແຫຼ່ງ​ຜະ­ລິດ​ພະ­ລັງ­ງານ​ໄຟ­ຟ້າ​ທີ່​ພວມ​ດຳ­ເນີນ​ການ​ກໍ່­ສ້າງ ແລະ ຄາດ​ວ່າ​ຈະ​ສຳເລັດ​ປີ 2019-2020 ຈຳ­ນວນ 36 ໂຄງ­ການ, ມີ​ກຳ­ລັງ​ຕິດ​ຕັ້ງ 4,184.10 ເມ​ກາ​ວັດ ສາ­ມາດ​ຜະ­ລິດ​ພະ­ລັງ­ງານ​ໄດ້ 20,892.99 ກິ​ກາ​ວັດ​ໂມງ​ຕໍ່​ປີ ແລະ ຜ່ານ​ການ​ປະ­ກອບ​ຄຳ​ເຫັນ​ແລກ­ປ່ຽນ​ບົດ­ຮຽນ​ຈາກ​ຫຼາຍ​ພະ​ແນກ ໜ່ວຍ​ງານ ເຫັນ​ວ່າ​ຜົນ­ສຳ­ເລັດ​ຂອງ​ບັນ­ດາ​ໂຄງ­ການ​ພັດ­ທະ­ນາ​ອຸດ­ສາ­ຫະ­ກຳ​ໄຟ­ຟ້າ​ຢູ່​ປະ­ເທດ​ເຮົາໃນ​ໄລ­ຍະ​ຜ່ານ​ມາ ມີ​ຄວາມ​ສຳຄັນ ມີ​ລັກ­ສະ­ນະ​ເປັນ​ພື້ນ​ທີ່​ໜັກ​ແໜ້ນ​ໃຫ້​ແກ່​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ປະ­ເທດ ແຕ່​ການ​ພັດ­ທະ­ນາ​ອຸດ­ສາ­ຫະ­ກຳ​ພະ­ລັງ­ງານ ກໍ​ຄື ການ​ດຳ­ເນີນ​ກິດ­ຈະ­ການ​ກໍ່­ສ້າງ ແລະ ຕິດ​ຕັ້ງ​ໄຟ­ຟ້າ​ຍັງ​ມີ​ຈຸດ​ອ່ອນ ແລະ ຂໍ້­ຄົງ­ຄ້າງ​ຫຼາຍ​ດ້ານ​ທີ່​ຈະ​ຕ້ອງ​ເອົາ­ໃຈ­ໃສ່​ປັບ­ປຸງ​ແກ້​ໄຂ​ໃຫ້​ສອດ­ຄ່ອງ.

ໂດຍ :  ແກ້ວ​ອຸດົມ

1 comment:

  1. Starting with rockets, our Stargate manufacturing facility vertically integrates robotics, software, and patented 3D printing applied sciences to digitize manufacturing. Our proprietary process optimizes every aspect of aerospace improvement and allows quicker, more frequent, and decrease cost access to space. Our quotes are accomplished by a human being guarantee you|to ensure you} get the best value Nipple Covers and half high quality on your project. Porsche has been utilizing 3D printing for a spread of different purposes, from major components to reinventing the provision chain for their older fashions. Porsche is at present utilizing 3D printing to produce very specific spare parts, but not that extensively.

    ReplyDelete

Powered by Blogger.