ພາສີເຂັ້ມງວດກວດຕູ້ຄອນເທນເນີ ຜ່ານດ່ານຂົວມິດຕະພາບ 1
ອີງຕາມການລາຍງານຂອງ ນສພ ລາວພັດທະນາ ວ່າ: ພາສີເລີ່ມເຂັ້ມງວດກວດກາຕູ້ຄອນເທນເນີຜ່ານດ່ານພາສີຂົວມິດຕະພາບ 1 ນະຄອນຫລວງວຽງຈັນ ແລະ ຜ່ານແດນ ສປປ ລາວ, ເພື່ອສະກັດກັ້ນບັນຫາຢາເສບຕິດ, ສານເຄມີຕົ້ນຜະລິດຢາເສບຕິດ, ອາວຸດທຳລາຍລ້າງສູງ, ອຸປະກອນທີ່ໃຊ້ຜະລິດນິວເຄລຍ, ບັນຫາອາຊະຍາກຳຂ້າມຊາດ, ການລັກລອບສິນຄ້າທີ່ຜິດກົດໝາຍທຸກໆຊະນິດທີ່ເຄື່ອນຍ້າຍໃນຮູບແບບຕ່ອງໂສ້ການສະໜອງການຂົນສົ່ງດ້ວຍຕູ້ຄອນເທນເນີ.
ເພື່ອສະກັດກັ້ນບັນຫາດັ່ງກ່າວ, ກົມພາສີ ຈຶ່ງອອກຂໍ້ຕົກລົງສະບັບເລກທີ 01904/ກພສ, ລົງວັນທີ 20 ເມສາ 2018, ວ່າດ້ວຍການຈັດຕັ້ງປະຕິບັດໜ່ວຍງານກວດກາຕູ້ຄອນເທນເນີທີ່ດ່ານພາສີສາກົນຂົວມິດຕະພາບ1 ເພື່ອເນັ້ນກວດກາຕູ້ຄອນເທນເນີໃຫ້ປະຕິບັດເຊັ່ນ: ວິເຄາະຄວາມສ່ຽງ, ຕິດຕາມກວດກາສິນຄ້າ ແລະ ຕູ້ຄອນເທນເນີ ທີ່ມີຄວາມສ່ຽງສູງ ແລະ ກວດກາຕົວຈິງຕາມຫລັກການພາສີ ແລະ ນຳໃຊ້ເຄື່ອງມືກວດກາ ເຊັ່ນ: ເຄື່ອງສະແກນເນີ ຫລື ອຸປະກອນຮັບໃຊ້ການກວດກາ ແລະ ວິທິການອື່ນໆ.
ເນື້ອໃນຂ່າວ: ນສພ ລາວພັດທະນາ
© ຈໍາປາໂພສ | www.champapost.com
_________
Post a Comment