ໄຟໄໝ້ປ່າ ບ້ານຊ້າງຄູ່ ເມືອງໄຊທານີ ແຂວງນະຄອນຫຼວງວຽງຈັນ

ນະຄອນຫຼວງວຽງຈັນ : ວັນທີ28 ມີນາ 2018 ເວລາ 19:15 ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວໄດ້ຮັບແຈ້ງເຫດຈາກປະຊາຊົນວ່າມີເຫດໄຟໄໝ້ປ່າ ໂດຍຈຸດເກີດເຫດແມ່ນຢູ່ ບ້ານຊ້າງຄູ່ ເມືອງໄຊທານີ ແຂວງນະຄອນຫຼວງວຽງຈັນ.

ເມື່ອໜ່ວຍກູ້ໄພມູນນິທິອອກກວດສອບເຫດພົບວ່າມີໄຟໄໝ້ປ່າເປັນບໍລິເວນກວ້າງ ແລະ ແຮງຫຼາຍ. ດັ່ງນັ້ນ ທາງໜ່ວຍກູ້ໄພມູນນິທິພ້ອມດ້ວຍອາສາສະໝັກ ແລະ ລົດດັບເພີງຈຶ່ງອອກໄປດັບໄຟທີ່ໄໝ້ປ່າ ໃຊ້ເວລາປະມານ 30 ນາທີ ໃນການດັບໄຟທີ່ໄໝ້ປ່າຈຶ່ງດັບລົງ.