ພືດ 4 ຊະນິດນີ້ສາມາດຮັກສາອາການຢຸດຫາຍໃຈໃນຂະນະນອນຫຼັບ ແລະ ພະຍາດນອນບໍ່ຫຼັບໄດ້
ຄົນອາເມລິການັບລ້ານຄົນຕ້ອງທົນທຸກທໍລະມານຈາກຄວາມຜິດປົກກະຕິໃນການນອນຫຼັບ ເຊັ່ນ ການຢຸດຫາຍໃຈຂະນະນອນຫຼັບ ແລະ ລວມທັງອາການນອນບໍ່ຫຼັບ, ອາການນອນບໍ່ຫຼັບສ້າງຜົນກະທົບຕໍ່ຊີວິດຢ່າງຫລວງຫລາຍເນື່ອງຈາກເຮົາພັກຜ່ອນໄດ້ບໍ່ພຽງພໍ ອີກທັງຢັງສົ່ງຜົນກະທົບຕໍ່ສຸຂະພາບ.
ແພດໄດ້ກ່າວວ່າການນອນບໍ່ຫຼັບເກີດຈາກສານບາງຢ່າງທີ່ຫຼັ່ງອອກມາຫລາຍເກີນໄປ ແລະ ປັດໄຈທາງຊີວະພາບ ມີການວິໄຈລະບຸວ່າການນອນບໍ່ຫຼັບເກີດຈາກສະຫມອງເຮັດວຽກຜິດປົກກະຕິມັນຈະກະຕຸ້ນໃຫ້ຮູ້ສຶກຕັວ ແລະ ຄົນອາເມລິກາກວ່າ 60 ລ້ານຄົນກຳລັງປະສົບກັບບັນຫານີ້.
ການຢຸດຫາຍໃຈໃນຂະນະນອນຫຼັບສາມາດເກີດຂຶ້ນໄດ້ຫລາຍກວ່າສອງເທື່ອໃນຂະນະທີ່ທ່ານນອນຫຼັບ, ຜູ້ປ່ວຍພະຍາດນີ້ຈະມີອາການຫາຍໃຈໄດ້ບໍ່ເລິກ ຫລື ບໍ່ກໍຢຸດຫາຍໃຈໄປຊົ່ວຂະນະ, ເປັນຜົນໃຫ້ຂາດການພັກຜ່ອນທີ່ພຽງພໍ ແລະ ເຮັດໃຫ້ຮູ້ສຶກອ່ອນເພຍໝົດມື້ ມີຢາເພື່ອໃຊ້ຮັກສາບັນຫາເຫຼົ່ານີ້ຢູ່ຢ່າງຫລວງຫລາຍແຕ່ກໍມີຜົນຂ້າງຄຽ ງແລະ ເປັນອັນຕະລາຍເຖິງຊີວິດ ຢົກຕົວຢ່າງເຊັ່ນ: ເກີດການໄໝ້ທີ່ຜິວ, ຄວາມຢາກອາຫານຜິດປົກກະຕິ, ຄວາມຮູ້ສຶກຕົກໃຈວູບວາບ, ອາການຫຼັບໆຕື່ນໆ, ພາວະຜິດປົກກະຕິໃນສະຫມອງ ແລະ ຫນ່ວຍຄວາມຈຳ. ດ້ວຍສາຍເຫດນີ້ເຮົາຈຶ່ງຢາກແນະນຳຕັວເລືອກທີ່ປອດໄພໃນການຮັກສາອາການເຫຼົ່ານີ້ດ້ວຍວິທີທຳມະຊາດຈາກພືດທີ່ໃຫ້ຜົນຢ່າງມີປະສິດຕິພາບຫລາຍທີ່ຈະຊ່ວຍໃຫ້ທ່ານນອນຫຼັບໄດ້ໃນເວລາບໍ່ດົນ!
ລິ້ນມັງກອນ( Snake plant) ພືດຊະນິດນີ້ເໝາະຫລາຍສຳລັບຫ້ອງນອນເພາະມັນຈະປ່ຽນ CO2 ເປັນກາສອົກຊິແຊນໃນເວລາກລາງຄືນ ແລະ ຍັງຊ່ວຍກັນຕອງສານຟໍມໍດີໄຮ, ໄຊລີນ, ໂທລູອິນ, ເບນຊິນ ແລະ ສານໄຕຄລໍໂຣເອທິລີນ (Trichloroethylene) ທີ່ຢູ່ໃນອາກາດ. ເພື່ອໃຫ້ໄດ້ຜົນຮັບທີ່ດີທີ່ສຸດຄວນວາງພືດຊະນິດນີ້ໃຫ້ສູງກວ່າແອວຂອງເຮົາ
ລາເວນເດີ (Lavender) ພືດຊະນິດນີ້ຮູ້ກັນວ່າຈະຊ່ວຍໃຫ້ການນອນຫຼັບເປັນເລື່ອງທີ່ງ່າຍຂຶ້ນແລະເຮັດໃຫ້ຫຼັບສະນິດຕະຫລອດທັງຄືນ
ດອກ ມະລິ (Jasmine) ມະລິມີດີໃນເລື່ອງການຄາຍຄວາມເມື່ອຍທັງຮ່າງກາຍແລະຈິດໃຈ, ອີກທັງຍັງເພີ່ມຄຸນນະພາບໃນການນອນຫຼັບ ແລະ ກິ່ນຫອມຂອງມັນຈະເຮັດໃຫ້ຮູ້ສຶກສົດຊື່ນໄດ້ຕະຫລອດມື້
ໂຣດແມຣີ່ (Rosemary)ພືດຊະນິດນີ້ໄດ້ຮັບການພິສູດແລ້ວວ່າມີປະສິດທິພາບຫລາຍໃນການປັບປຸງຫນ່ວຍຄວາມຈຳແລະ ຊ່ວຍປັບອາກາດພາຍໃນຫ້ອງໄດ້ຢ່າງດີ
© ຈໍາປາໂພສ | www.champapost.com
_________
Post a Comment