ເກືອບເອົາຊີວິດບໍ່ລອດຍ້ອນເມົາແລ້ວຂັບ ຈົນເກີດອຸບັດຕິເຫດແຂນຫັກ!!!
ເນື່ອງຈາກສະພາບການສັດນຈອນໃນຊ່ວງນີ້ຕິດຂັດ ເຮັດໃຫ້ລົດຂົນອຸປະກອນບໍ່ສາມາດມາເຖິງທີ່ເກີດເຫດໄດ້ ທາງອາສາສະໝັກ ແລະ ພົນລະເມືອງດີກໍ່ໄດ້ຊ່ວຍກັນດຶງສ່ວນລົດທີ່ໜີບຜູ້ປະສົບເຫດຈົນສາມາດນຳຕົວອອກມາໄດ້ ແລະ ນຳສົ່ງໂຮງໝໍທັນທີ ອາການຜູ້ປະສົບເຫດແມ່ນໄດ້ຮັບບາດເຈັບສາຫັດທີ່ແຂນຊ້າຍ (ແຂນຫັກ) ອາການສະລຶມສະລື ສ່ວນລົດຄູກໍລະນີແມ່ນບໍ່ມີຜູ້ໄດ້ຮັບບາດເຈັບ
ຈາກການບອກເລົ່າຈາກຜູ້ເຫັນເຫດການໄດ້ບອກວ່າ ລົດຮຸນໄດຄັນດັ່ງກ່າວຂັບມາດ້ວຍຄວາມໄວສົມຄວນມຸ່ງໜ້າໄປທາງໄຟແດງໂພນປ່າເປົ້າ ເມື່ອມາເຖິງຈຸດເກີດເຫດ ຊຶ່ງໃນຂະນະນັ້ນແມ່ນລົດກຳລັງຕິດໄຟແດງ ເຮັດໃຫ້ລົດຮຸນໄດທີ່ຂັບມາດ້ວຍຄວາມໄວຫັກຫຼົບບໍ່ທັນຈຶ່ງໄດ້ຕຳເອົາທ້າຍລົດເກັງທີ່ຈອດລໍຖ້າໄຟແດງຈົນຍ້າຍໄປເຖິງ 7 ແມັດ
ພາຍຫຼັງທີມງານໄດ້ຮັບຮູ້ມາວ່າຜູ້ກ່ຽວແມ່ນມີອາການມຶນເມົາເຮັດໃຫ້ຂາດສະຕິໃນການຂັບຂີ່ຈົນພາໃຫ້ເກີດອຸບັດຕິເຫດ ຊຶ່ງຍັງດີເຫດການທີ່ເກີດຂຶ້ນນີ້ບໍ່ເຮັດໃຫ້ເກີດການສູນເສຍເກີດຂຶ້ນ
ພາບ ແລະ ຂ່າວ: ນາທີ ຊີວິດ
© ຈໍາປາໂພສ | www.champapost.com
_________
Post a Comment