Header Ads

ແຂວງຜົ້ງສາລີຮ່ວມຊຸມນຸມໃຫຍ່ ສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ




ແຂວງຜົ້ງສາລີຈັດພິທີໂຮມຊຸມ ນຸມໃຫຍ່ສະເຫລີມສະຫລອງວັນ ສ້າງຕັ້ງກອງທັບປະຊາຊົນລາວ ຄົບຮອບ 70 ປີ (20/1/1949- 20/1/2019) ເພື່ອເປັນການ ຫວນຄືນມູນເຊື້ອ ແລະ ຜົນງານ ອັນໃຫຍ່ຫລວງຂອງກຳລັງປະ ກອບອາວຸດຂຶ້ນ ໃນວັນທີ 16 ມັງກອນ 2019 ນີ້, ທີ່ສະຫນາມ ກີລາແຂວງຜົ້ງສາລີ ໂດຍການ ເຂົ້າຮ່ວມຂອງ ທ່ານ ຄຳເຈນ ວົງໂພສີ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆ ຜົ້ງສາລີ, ມີ ທ່ານພົນຈັດຕະວາ ວໍລະສານ ວິລັດດາວົງ ກຳມະ ການຄະນະພັກກະຊວງປ້ອງກັນ ປະເທດ, ຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບ ຕາງ ຫນ້າຄະນະນຳກະຊວງປ້ອງກັນ ປະເທດ, ມີຄະນະພັກ-ຄະນະບັນ ຊາກອງບັນຊາການທະຫານ ແຂວງຜົ້ງສາລີ, ອະດີດການນຳ ແຂວງ, ນາຍ ແລະ ພົນທະຫານ, ນາຍ ແລະ ພົນຕຳຫລວດ, ພະນັກ ງານປະຕິວັດອາວຸໂສບຳນານຕະ ຫລອດເຖິງພໍ່-ແມ່ປະຊາຊົນຊາວ ແຂວງຜົ້ງສາລີເຂົ້າຮ່ວມຢ່າງ ຫລວງຫລາຍ.

ທ່ານ ຄຳເຈນ ວົງໂພສີ ເຈົ້າ ແຂວງໆຜົ້ງສາລີຂຶ້ນກ່າວປາໄສ ຕໍ່ງານສະເຫລີມສະຫລອງວັນ ສ້າງຕັ້ງກອງທັບ ຄົບຮອບ 70 ວ່າ: ກ່ອນຫນ້ານີ້70 ປີຄືວັນທີ 20 ມັງກອນ 1949 ກອງລາດສະ ວົງ ເຊິ່ງເປັນຕົ້ນກຳເນີດຂອງ ກອງທັບປະຊາຊົນລາວ ໃນປັດຈຸບັນໄດ້ຮັບການສ້າງຕັ້ງຂຶ້ນຢູ່ເຂດທີ່ຫມັ້ນແຫ່ງຫນຶ່ງຂອງແຂວງຫົວ ພັນໂດຍແມ່ນປະທານໄກສອນ ພົມວິຫານ ທີ່ເຄົາລົບຮັກເປັນຜູ້ ກໍ່ຕັ້ງ ແລະ ຊີ້ນຳ-ນຳພາໂດຍກົງ ນັບເປັນວັນແຫ່ງການເຕົ້າໂຮມ ບັນດາກົມກອງກຳລັງປະກອບ ອາວຸດທີ່ໄດ້ສ້າງຕັ້ງຂຶ້ນໃນບໍລິ ເວນຕ່າງໆທົ່ວປະເທດເຂົ້າເປັນ ກອງທັບອິດສະຫລະ ເຊິ່ງແມ່ນ ເຫດການທີ່ມີຄວາມຫມາຍສຳຄັນ ໃຫຍ່ຫລວງທີ່ສຸດທາງດ້ານການ ເມືອງໃນປະຫວັດສາດຂອງຊາດ ລາວເຮົາແມ່ນບາດລ້ຽວປະຫວັດ ສາດຫນ້າໃຫມ່ແຫ່ງການຕໍ່ສູ້ກູ້ ຊາດໂດຍກອງທັບທີ່ເປັນກຳລັງຫຼັກແຫຼ່ງ,ເປັນທີ່ເພິ່ງອີງຂອງປະ ຊາຊົນລາວບັນດາເຜົ່າໃນການ ດຳເນີນການຕໍ່ສູ້ຕີຕ້ານກັບຈັກກະ ພັດຕ່າງດ້າວຜູ້ຮຸກຮານ ແລະ ລູກ ແຫລ່ງຕີມືຂາຍຊາດ, ເຊິ່ງເປັນ ການຢັ້ງຢືນເຖິງການເຕີບໃຫຍ່ ຂະຫຍາຍຕົວຂອງການປະຕິວັດລາວກ້າວສູ່ລະດັບສູງ.

ຜ່ານການເຝິກຝົນ ແລະ ທົດ ສອບໃນແປວໄຟແຫ່ງການຕໍ່ສູ້ ເພື່ອຄວາມເປັນເອກະລາດຂອງ ຊາດ, ໃນສະພາບ ແລະ ເງື່ອນໄຂ ຫຍຸ້ງຍາກລຳບາກນັ້ນ, ກອງທັບ ເຮົາໄດ້ສ້າງວີລະກຳລຳ້ເລີດຫຼາຍ ປະການ ເຊິ່ງໄດ້ຈາລຶກໄວ້ຫນ້າ ປະຫວັດສາດຂອງຊາດລາວເຮົາໄວ້ຕະຫລອດການ. ພາຍຫລັງປະ ເທດຊາດໄດ້ຮັບການປົດປ່ອຍສົມ ບູນ ປີ 1975 ແລະ ໄດ້ສະຖາປະ ນາລະບອບໃໝ່-ລະບອບປະຊາ ທິປະໄຕ ປະຊາຊົນລາວ, ກອງ ທັບປະຊາຊົນລາວ ໄດ້ສືບຕໍ່ເສີມ ຂະຫຍາຍທາດແທ້ ແລະ ມູນເຊື້ອ ອັນສະຫງ່າງາມຂອງຕົນ, ຍາມ ໃດກໍເຊີດຊູສະຕິລະວັງຕົວກຽມ ພ້ອມສູ້ຮົບ, ເປັນກຳລັງຫລັກ ແຫລ່ງເຮັດຫນ້າທີ່ປ້ອງກັນຊາດ-ປ້ອງກັນຄວາມສະຫງົບສຸກທົ່ວ ປວງຊົນຮອບດ້ານຂອງພັກ, ປົກ ປັກຮັກສາເອກະລາດ, ອຳນາດອະ ທິປະໄຕ ແລະ ຜືນແຜ່ນດິນອັນຄົບ ຖ້ວນຂອງຊາດໄວ້ໄດ້ຢ່າງຫມັ້ນ ຄົງ, ຮັບປະກັນໄດ້ສະຖຽນລະ ພາບທາງດ້ານການເມືອງຢ່າງ ຫນັກແໜ້ນ, ສັງຄົມມີຄວາມສະ ຫງົບປອດໄພ, ປະກອບສ່ວນ ຢ່າງຕັ້ງຫນ້າໃນການພັດທະນາ ເສດຖະກິດຂອງຊາດຂະຫຍາຍ ຕົວຢ່າງຕໍ່ເນື່ອງ.

ໃນບົດປາໄສທ່ານເຈົ້າແຂວງໆ ຜົ້ງສາລີກ່າວຢໍ້າວ່າ: ໄລຍະປະ ຫວັດສາດຂອງແຂວງຜົ້ງສາລີ ແມ່ນຕິດພັນຢ່າງສະໜິດແໜ້ນ ກັບໄລຍະປະຫວັດສາດຂອງຊາດ ລາວເຮົາໃນຕະຫລອດໄລຍະທີ່ ຜ່ານມາດ້ວຍທີ່ຕັ້ງພູມສັນຖານ ແລະ ຈຸດພິເສດຂອງແຂວງຜົ້ງ ສາລີຕິດພັນກັບປະເທດເພື່ອນ ບ້ານມີຫລາຍຊົນເຜົ່າທີ່ຮ່ວມກັນ ດຳລົງຊີວິດຢ່າງເປັນປຶກແຜ່ນ.ສະນັ້ນ, ໃນຕະຫລອດໄລຍະທີ່ ຜ່ານມາຈັກກະພັດຕ່າງດ້າວໄດ້ ສຸມທຸກຄວາມພະຍາຍາມເຂົ້າມາ ບຽດຢຶດ, ຮຸກຮານ ແລະ ປະຕິບັດ ກົນອຸບາຍຂອງພວກເຂົາດ້ວຍ ຮູບການຕ່າງໆ, ແຕ່ພາຍໃຕ້ການ ຊີ້ນຳ-ນຳພາຂອງພັກກອມມູນິດ ອິນດູຈີນ ໃນເມື່ອກ່ອນ ແລະ ຂອງ ພັກປະຊາຊົນປະຕິວັດລາວ ໃນ ໄລຍະຕໍ່ມາ, ໂດຍສະເພາະແມ່ນພາຍຫລັງການສ້າງຕັ້ງກອງທັບ ປະຊາຊົນລາວ ໃນວັນທີ 20 ມັງ ກອນ 1949 ເປັນຕົ້ນມາກຳລັງ ປະກອບອາວຸດທ້ອງຖິ່ນ ແລະ ປະ ຊາຊົນລາວບັນດາເຜົ່າຜູ້ຮັກຊາດ ໃນແຂວງຜົ້ງສາລີ ກໍໄດ້ພ້ອມ ກັນລຸກຂຶ້ນຕໍ່ສູ້ຕ້ານການຮຸກຮານ ຂອງຈັກກະພັດຕ່າງດ້າວ ແລະ ລູກແຫລ່ງຕີມືດ້ວຍການຜ່ານຜ່າ ຄວາມຫຍຸ້ງຍາກລຳບາກ, ທໍລະ ຫົດອົດທົນ, ລະອິດລະອ້ຽວ ແລະ ພິລາດອາດຫານແຕ່ກໍຍາດໄດ້ໄຊ ຊະນະເປັນ ກ້າວໆມາ. ຂ່າວຈາກແຂວງຜົ້ງສາລີຍັງໄດ້ແຈ້ງມາວ່າ: ໃນໂອກາດໄປຮ່ວມ ງານສະເຫລີມສະຫລອງວັນ ສ້າງຕັ້ງກອງທັບຄົບຮອບ 70 ປີ ຂອງຄະນະນຳກະຊວງປ້ອງກັນ ປະເທດເຊິ່ງນຳໂດຍສະຫາຍພົນ ຈັດຕະວາ ວໍລະສານ ວິລັດດາ ວົງ ກຳມະການຄະນະພັກກະຊວງ ປ້ອງກັນປະເທດ,ຫົວໜ້າກົມຈັດຕັ້ງ ພັກ ກົມໃຫຍ່ການເມືອງກອງທັບ, ພ້ອມດ້ວຍຄະນະພັກ-ຄະນະ ບັນຊາກອງບັນຊາການທະຫານ ແຂວງ ຜົ້ງສາລີ ໄດ້ເຂົ້າວາງ ພວງມາລາທີ່ອານຸສາວະລີນັກ ຮົບນິລະນາມແຂວງ ແລະ ວາງ ກະຕ່າດອກໄມ້ຢູ່ອານຸສາວະລີປະ ທານ ໄກສອນ ພົມວິຫານແຂວງ ໃນວັນທີ 15 ມັງກອນ 2019 ນີ້,ເຊິ່ງເປັນການສະແດງເຖິງ ຄວາມເຄົາລົບ ຮັກ, ຄວາມກະຕັນ ຍູ້ຮູ້ບຸນຄຸນເຖິງຄຸນງາມຄວາມດີ ແລະ ນ້ຳໃຈຕໍ່ສູ້ຢ່າງພິລະອາດ ຫານ ແລະ ບໍ່ຍອມຈຳນົນຂອງ ບັນພະບູລຸດລາວກໍຄືບັນດານັກ ຮົບປະຕິວັດ ລວມໄປເຖິງພໍ່ແມ່ປະ ຊາຊົນລາວ ບັນດາເຜົ່າແຂວງ ຜົ້ງສາລີຜູ້ທີ່ໄດ້ເສຍສະຫຼະຊີວິດ ແລະ ເລືອດເນື້ອໃນຂະບວນການ ຕໍ່ສູ້ກູ້ຊາດ ຜ່ານມາເຊິ່ງຄຸນງາມ ຄວາມດີ ແລະ ຜົນງານອັນໃຫຍ່ ຫລວງດັ່ງກ່າວ ໄດ້ຖືກຈາລຶກ ໄວ້ໃນຊີວິດຈິດໃຈ ຂອງທົ່ວປວງ ຊົນລາວທັງຊາດ ຕະຫລອດໄປ.


ຂ່າວໃຫ້ຮູ້ຕື່ມອີກວ່າ: ໃນ ຕອນເຊົ້າຂອງວັນທີ 15 ມັງກອນ 2019, ທ່ານ ຄຳເຈນ ວົງໂພສີ ກຳມະການສູນກາງພັກ, ເລຂາ ພັກແຂວງ, ເຈົ້າແຂວງໆຜົ້ງສາລີ ພ້ອມດ້ວຍ ທ່ານ ພົນຈັດຕະວາ ວໍລະສານ ວິລັດດາວົງ ກຳມະການຄະນະພັກກະຊວງປ້ອງກັນປະເທດ, ຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບ ພ້ອມດ້ວຍ ບັນດາຄະນະບໍລິຫານ ງານພັກແຂວງ, ສະພາປະຊາ ຊົນແຂວງ, ຄະນະກອງບັນຊາ ການທະຫານແຂວງ, ອົງການ ຈັດຕັ້ງມະຫາຊົນໄດ້ລົງເຄື່ອນ ໄຫວຢ້ຽມຢາມ ພະນັກງານແພດ ໝໍ, ພ້ອມດ້ວຍນາຍ ແລະ ພົນ ທະຫານ ທີ່ພວມປິ່ນປົວຢູ່ໂຮງໝໍທະຫານແຂວງຜົ້ງສາລີ. ການລົງຢ້ຽມຢາມຄັ້ງນີ້ໄດ້ ຮັບການຕ້ອນຮັບ ແລະ ລາຍງານ ສະພາບການຈັດຕັ້ງ ປະຕິບັດ ໜ້າປິ່ນປົວຄົນເຈັບຂອງທ່ານພັນ ໂທ ຄຳຢືນ ໄຊສົມຢາ ຫົວໜ້າການ ເມືອງ ໂຮງໝໍທະຫານແຂວງຜົ້ງ ສາລີ, ໂຮງໝໍທະຫານແຂວງຜົ້ງສາລີມີພະນັກງານແພດໝໍ ແລະ ວິຊາສະເພາະອື່ນລວມທັງໝົດ 66 ສະຫາຍ ທີ່ເຮັດວຽກ ໃນ 14 ຂະແຫນ່ງການ ໄດ້ເປັນເຈົ້າການປະຕິບັດໜ້າທີ່ວິຊາສະເພາະ ແລະ ມີຜົນງານຫຼາຍໃນການເບິ່ງ ແຍງດູແລ ແລະ ປິ່ນປົວອ້າຍນ້ອງ ນາຍ ແລະ ພົນທະຫານລວມ ທັງພະນັກງງານ-ລັດຖະກອນ ແລະ ປະຊາຊົນບັນດາເຜົ່າດ້ວຍ ຄວາມຮັບຜິດຊອບສູງ.

ຂໍ້ມູນ: ນສພ ກອງທັບ


No comments

Powered by Blogger.