Header Ads

ປກສ ເມືອງຫ້ວຍຊາຍ ແຂວງບໍ່ແກ້ວ ກັກຕົວຜູ້ຄ້າຢາເສບຕິດໄດ້ 2 ຄົນ





ໃນຄັ້ງວັນທີ 22 ພຶດສະພາ 2018 ນີ້ ທາງ ປກສ ກຸ່ມບ້ານດອນໃຈ ເມືອງຫ້ວຍຊາຍ ແຂວງບໍ່ແກ້ວ ໄດ້ຮັບການລາຍງານຈາກພົນລະເມືອງດີວ່າ: ຈະມີຄົນນໍາຢາເສບຕິດຜ່ານມາທາງນີ້ ຈາກນັ້ນທາງເຈົ້າໜ້າທີ່ ປກສ ກຸ່ມບ້ານດອນໃຈ ຈຶ່ງໄດ້ຕັ້ງຈຸດກວດກາລົດແລະໄດ້ພົບເຫັນລົດຈັກ ຜູ້ຕ້ອງສົງໄສຊື່: ທ້າວ ສົມພອນ ໄຊຢືນຢົງ ອາຍຸ 53 ປີ ອາຊີບເຮັດໄຮ່ ຊົນເຜົ່າກຶມມຸ ຢູ່ບ້ານນາງານ ເມືອງຫ້ວຍຊາຍ ແຂວງບໍ່ແກ້ວ ຜ່ານການກວດກາຈຶ່ງພົບເຫັນ ຢາບ້າທີ່ຊຸກເຊື່ອງໄວ້ຕາມຕົນຕົວຈໍານວນ 202 ເມັດ ຈາກນັ້ນຈຶ່ງໄດ້ສົ່ງໃຫ້ທາງເຈົ້າໜ້າທີ່ ພະແນກຕໍາຫຼວດ ເມືອງຫ້ວຍຊາຍ ແຂວງບໍ່ແກ້ວ ທໍາການສືບສວນສອບສວນ ຂະຫຍາຍຜົນ.






ຜ່ານການສືບສ່ວນ-ສອບສວນ ຜູ້ກ່ຽວໄດ້ຮັບສາລະພາບວ່າແມ່ນຂອງຕົນແທ້ເຊິ່ງໄດ້ ຊື້ມາຈາກ ນາງກົກທໍ່ ອາຍຸ 60 ປີ ອາຊີບ ເຮັດໄຮ່, ຊົນເຜົ່າມົ້ງ, ຢູ່ບ້ານໃຫຍ່ດອນໃຈ (ຄຸ້ມຫ້ວຍຫະ) ຫຼັງຈາກນັ້ນທາງເຈົ້າໜ້າທີ່ ພະແນກຕໍາຫຼວດ ເມືອງຫ້ວຍຊາຍ ກໍ່ໄດ້ລົງສົບທົບກັບ ປກສ ກຸ່ມບ້ານດອນໃຈ, ອົງການໄອຍະການ ແລະ ອໍານາດການປົກຄອງບ້ານ ເຂົ້າທໍາການກວດຄົ້ນເຮືອນ ຂອງນາງ ກົກທໍ ແລະ ໄດ້ພົບເຫັນ ຢາເສບຕິດ ປະເພດຢາບ້າຈໍານວນ 04 ຖົງນ້ອຍ ແລະ 91 ເມັດ ລວມຢາເສບຕິດທັງໝົດປະມານ 891 ເມັດ ແລະ ລູກປືນ ລູກຊອງ ຈໍານວນ 25 ລູກ, ລູກປືນ AK 12 ລູກ, ລູກປືນກາມ້າ 07: ເງິນກີບ 661.000 ກີບ, ເງິນບາດ 100 ບາດ ລົດຈັກຍີ່ຫໍ້ ຈົ່ງເຊີນ 01 ຄັນ, ປືນແກັບ 01 ກະບອກ ຈາກນັ້ນກໍ່ໄດ້ນໍາຕົວຜູ້ກ່ຽວມາດໍາເນີນຄະດີຕາມລະບຽບກົດໝາຍຕໍ່ໄປ.










ຂ່າວ: ຮທ ວິທູນ ແກ້ວກັນຍາ 
© ຈໍາປາໂພສ |  www.champapost.com
_________




No comments

Powered by Blogger.