ເຫດສະຫຼົດໄຟຟ້າຊ໋ອດຄົນເສຍຊີວິດ 1ລາຍ ທີ່ບ້ານທົ່ງສາງນາງ ນະຄອນຫຼວງວຽງຈັນ

ນະຄອນຫຼວງວຽງຈັນ : ໃນວັນທີ 26 ພຶດສະພາ 2018 ເວລາ 10:20 ນາທີ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວໄດ້ຮັບແຈ້ງເຫດຈາກປະຊາຊົນວ່າມີຄົນຖືກໄຟຟ້າຊ໋ອດໝົດສະຕິ ໂດຍຈຸດເກີດເຫດແມ່ນຢູ່ບ້ານທົ່ງສາງນາງ ນະຄອນຫຼວງວຽງຈັນ.

ເມື່ອໜ່ວຍກູ້ໄພໄປຮອດຈຸດເກີດເຫດກໍພົບວ່າມີຄົນເຈັບ 1ຄົນ ເປັນເພດຊາຍ ອາຍຸ35ປີ ບ້ານວຽງຈະເລີນ ເມືອງໄຊເສດຖາ ແຂວງນະຄອນຫຼວງວຽງຈັນ ເຊິ່ງອາການເບື້ອງຕົ້ນແມ່ນຖືກໄຟຟ້າຊ໋ອດແລ້ວກໍເສຍຊີວິດ. ດັ່ງນັ້ນ ໜ່ວຍກູ້ໄພມູນນີທິຈຶ່ງໄດ້ນຳສົ່ງສົບຂອງຜູ້ຜູ້ກ່ຽວໄປໄວ້ທີ່ວັດປ່າໜອງພະຍາເພື່ອເຮັດພິທີທາງສາສະໜາຕໍ່ໄປ.