ນາຍົກ ເຂົ້າຮ່ວມກອງປະຊຸມສຸດຍອດຄັ້ງທີ 6 ວ່າດ້ວຍການຮ່ວມມືເສດຖະກິດອະນຸພາກພື້ນແມ່ນໍ້າຂອງ
ນາຍົກລັດຖະມົນຕີແຫ່ງ ສປປ ລາວ ແລະ ຄະນະເຂົ້າພົບປະທານປະເທດແຫ່ງ ສສຫວຽດນາມ ເນື່ອງໃນວາລະເຂົ້າຮ່ວມກອງປະຊຸມສຸດຍອດຄັ້ງທີ 6 ຂອງການຮ່ວມມືເສດຖະກິດອະນຸພາກພື້ນແມ່ນໍ້າຂອງ ຫຼື Greater Mekong Sub-Region (GMS ) ລະຫວ່າງວັນທີ 30-31 ມີນາ 2018 ທີ່ນະຄອນຫຼວງຮາໂນຍ ສສ ຫວຽດນາມ.
ສໍາລັບກອງປະຊຸມດັ່ງກ່າວປະກອບມີຜູ້ນຳຂອງ ສປ ຈີນ, ກຳປູເຈຍ, ສປປລາວ, ມຽນມາ, ໄທ ແລະ ສສ ຫວຽດນາມ ພ້ອມດ້ວຍຜູ້ຕາງໜ້າຂອງທະນາຄານພັດທະນາອາຊີ, ທະນາຄານໂລກ, ທະນາຄານລົງທຶນພື້ນຖານໂຄງລ່າງອາຊີ ແລະ ອົງການອື່ນໆ ເຂົ້າຮ່ວມກອງປະຊຸມ. ກອງປະຊຸມໃນຄັ້ງນີ້ເນັ້ນຫົວຂໍ້ວ່າ "ເສີມຂະຫຍາຍປະສິດທິຜົນຂອງການຮ່ວມມືໃນ 25 ປີ, ສ້າງ GMS ທີ່ຍືນຍົງ, ເປັນເອກະພົບດຽວ ແລະ ຈະເລີ່ມຮຸ່ງເຮືອງ", ໂດຍຈະຈັດກອງປະຊຸມສຸດຍອດບໍ່ເປັນທາງການ, ກອງປະຊຸມຄົບຄະນະ, ກອງປະຊຸມເຈົ້າໜ້າທີ່ອາວຸໂສ, ກອງປະຊຸມສຸດຍອດອຸດສາຫະກຳການຄ້າ ແລະ ກິດຈະກຳອື່ນໆ, ຄາດວ່າ ຈະຮັບຮອງເອກະສານຕ່າງໆ ເຊັ່ນ: "ແຜນການດຳເນີນງານຮ່າໂນ້ຍ 2018 - 2022" ແລະ "ຂອບການລົງທຶນພາກພື້ນ 2022 “.
ທີ່ມາ: ສຸລິອຸງດົງ ສູນດາລາ
© ຈໍາປາໂພສ | www.champapost.com
_________
Post a Comment