ໄຟໄຫມ້ເຮືອນປະຊາຊົນໝົດຫຼັງ ທີ່ບ້ານບຸ່ງ ເມືອງສາມັກຄີໄຊ ແຂວງອັດຕະປື
ແຂວງອັດຕະປື : ວັນທີ 3 ມີນາ 2018 ເວລາ 21 ໂມງ ມີລາຍງານຈາກປະຊາຊົນວ່າໄດ້ເກີດເຫດໄຟໄຫມ້ເຮືອນປະຊາຊົນ ໂດຍເຮືອນດັ່ງກ່າວເປັນຂອງ ພໍ່ເຖົ້າ ນວນ ທີ່ບ້ານບຸ່ງ ເມືອງສາມັກຄີໄຊ ແຂວງອັດຕະປື ເຊິ່ງເຫດອັກຄີໄຟດັ່ງກ່າວເຮັດໃຫ້ເຮືອນເສຍຫາຍຫມົດຫລັງ.
ອີງຕາມການບອກເລົ່າຂອງຍາດພີ່ນ້ອງ ແລະ ຊາວບ້ານໃນເບື້ອງຕົ້ນບອກໃຫ້ຮູ້ວ່າ: ໃນຄອບຄົວທີ່ຖືກເຄາະຮ້າຍຈາກອັກຄີໄຟໃນຄັ້ງນີ້ແມ່ນ ມີຫລານສາວຈະຜ່າຕັດເກີດລູກຢູ່ໂຮງຫມໍແຂວງ. ດັ່ງນັ້ນ, ຈຶ່ງມີການຈູດທູບທຽງ ແລ້ວອອກໄປເບິ່ງຫລານຢູ່ໂຮງຫມໍ ຈາກນັ້ນ ຈຶ່ງເກີດໄຟໄຫມ້ ຈາກຫ້ອງທີ່ໄຫວ້ພຣະ ແລະ ລາມທົ່ວທັງໂຕເຮືອນ. ຢ່າງໃດກໍຕາມ , ສາຍເຫດທີ່ແທ້ຈິງຕ້ອງຈະຖ້າທາງເຈົ້າຫນ້າທີ່ກ່ຽວຂ້ອງສະຫລຸບຢ່າງເປັນທາງການ ພ້ອມທັງລາຍງານຕົວເລກຄວາມເສຍຫາຍຈາກເຫດອັກຄີໄຟດັ່ງກ່າວ.
© ຈໍາປາໂພສ | www.champapost.com
_________
Post a Comment