ເຫດລົດຈັກຕຳກັບລົດໃຫຍ່ບາດເຈັບ 2 ຄົນຈຸດເກີດເຫດ ຢູ່ແຖວຄອກມ້າ ບ້ານໂພນສີນວນ

ວັນທີ 28/02/2018 ເວລາ19:16 ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ໄດຮັບແຈ້ງເຫດຈາກປະຊາຊົນວ່າມີເຫດລົດຈັກຕຳກັບລົດໃຫຍ່ ຢູ່ແຖວຄອກມ້າ ບ້ານໂພນສີນວນ. ເມື່ອໜ່ວຍກູ້ໄພມູນນິທິໄປຮອດຈຸດເກີດເຫດພົບວ່າມີຄົນເຈັບ 2 ຄົນ ຄົນທີ 1 ເປັນເພດຍິງ ອາຍຸ 16ປີ ອາຊີບນັກຮຽນ ບ້ານດົງປ່າລານ ເມືອງສີສັດຕະນາກ ແຂວງນະຄອນຫຼວງວຽງຈັນ ເຊິ່ງອາການເບື້ອງຕົ້ນແມ່ນກົກຂາຂ້າງຂວາຫັກ, ເຈັບສະໂພກ,ມີບາດຖະຫຼອກຢູ່ກົກຂາຂ້າງຊ້າຍ ແລະ ຍັງມີສະຕິດີ. ສ່ວນຄົນທີ 2 ເປັນເພດຊາຍ ອາຍຸ17ປີ ອາຊີບນັກຮຽນ ບ້ານທົ່ງຂັນຄຳ ເມືອງຕັນທະບູລີ ແຂວງນະຄອນຫຼວງວຽງຈັນ ໂດຍອາການເບື້ອງຕົ້ນແມ່ນເຈັບຂາຂ້າງຂວາ ມີສະຕິດີ.