19 ປະໂຫຍດຂອງຫວ້ານຫາງແຂ້
ມື້ນີ້ພາມາຮູ້ຈັກ ປະໂຫຍດຂອງຫວ້ານຫາງແຂ້ ທີ່ຫຼາຍຄຸນຄຸ້ນເຄີຍ ແຕ່ອາດຍັງບໍ່ທັນຮູ້ວ່າຫວ້ານຫາງແຂ້ ນັ້ນມີປະໂຫຍດຫຼາຍກວ່າທີ່ເຮົາຄິດ ທັງເປັນພືດທີ່ຫາໄດ້ງ່າຍ ແລະ ຍັງປູກງ່າຍພ້ອມ. ນີ້ແມ່ນ19 ປະໂຫຍດຂອງຫວ້ານຫາງແຂ້:
1. ນໍ້າຫວ້ານຫາງແຂ້ ສາມາດຊ່ວຍຕໍ່ຕ້ານອະນຸມູນອິດສະຫລະ ມີສ່ວນຊ່ວຍຊະລໍຄວາມແກ່ ແລະຊ່ວຍເສີມສ້າງພູມິຄຸ້ມກັນພະຍາດໄດ້ອີກດ້ວຍ
2. ຫວ້ານຫາງແຂ້ອຸດົມໄປດ້ວຍວິຕາມິນແລະແຮ່ທາດ ທັງຫມົດໄປເຖິງກົດອະມິໂນອີກຫຼາຍຊະນິດທີ່ຈຳເປັນແລະມີປະໂຫຍດຕໍ່ຮ່າງກາຍ ເຊັ່ນ ທາດແມກນີຊຽມ, ທາດໂພແທດຊຽມ, ທາດທອງແດງ, ທາດແມງການີກ,ທາດຊີລີນຽມ, ທາດໂຄຣມຽມ, ວິຕາມິນເອ, ວິຕາມິນຊີ, ວິຕາມິອີ, ວິຕາມິນບີ 1, ວິຕາມິນບີ 2, ວິຕາມິນບີ 3, ວິຕາມິນບີ 6, ວິຕາມິນບີ 9, ໂຄລີນ ແລະ ຍັງເປັນພືດພຽງບໍ່ຈັກຊະນິດທີ່ມີວິຕາມິນບີ 12 ນຳອີກ
3. ຊ່ວຍໃນການຍ່ອຍອາຫານ ເຮັດຄວາມສະອາດລຳໄສ້ໃຫຍ່ ຊ່ວຍໃນການດີທັອກລ້າງສານພິດໃນຮ່າງກາຍ ຊ່ວຍໃນການເຮັດວຽກງານຂອງລະບົບກະເພາະອາຫານ ແລະຊ່ວຍຫຼຸດປະລິມານຂອງເຊື້ອແບັດທີເຣຍໃນລຳໄສ້
4. ຈາກວາລະສານແພດອັງກິດພິມໃນປີ 2000 (British medical journal) ລະບຸວ່າສານສະກັດຈາກຫວ້ານຫາງແຂ້ສາມາດຊ່ວຍຫຼຸດລະດັບຄໍເລດເຕີຣອນ
5. ຊ່ວຍຄວບຄຸມຄວາມດັນເລືອດແລະເພີ່ມການໄຫຼວຽນຂອງເລືອດ ແລະອາດຈະມີຄວາມເປັນໄປໄດ້ວ່າມັນສາມາດຊ່ວຍຫຼຸດຄວາມສ່ຽງຂອງການເກີດພະຍາດຫັວໃຈໄດ້ອີກ
6. ຊ່ວຍປ້ອງກັນແລະແກ້ອາການເມົາລົດ ດ້ວຍການຮັບປະທານຕ່ອນວຸ້ນຫວ້ານຫາງແຂ້ຫລືນໍ້າຫວ້ານຫາງແຂ້ເຢັນ ໆ ກໍຈະຊ່ວຍບັນເທົາອາການດັ່ງກ່າວໄດ້
ການໃຊ້ວຸ້ນຫວ້ານຫາງແຂ້ທາເປັນປະຈຳວັນລະ 2-4 ເທື່ອ ຈະຊ່ວຍປ້ອງກັນແລະຫຼຸດຄວາມສ່ຽງຂອງການເກີດພະຍາດມະເຮັງຜິວໜັງ
7. ຊ່ວຍບຳລຸງຜິວພັນ ຊ່ວຍເຮັດໃຫ້ຜິວພັນນຽນນຸ່ມ ເບິ່ງຊຸ່ມຊື່ນ ແກ້ບັນຫາຜິວແຫ້ງຕາມຫົວເຂົ່າ, ແຂນສອກ ຫລືສົ້ນຕີນໄດ້ ພຽງແຕ່ໃຊ້ວຸ້ນຈາກໃບຫວ້ານຫາງແຂ້ແຊ່ໃນອ່າງອາບນໍ້າ ໃນລະຫວ່າງອາບໃຫ້ໃຊ້ຕ່ອນວຸ້ນຖູຕາມສ່ວນຕ່າງ ໆ ຂອງຮ່າງກາຍທີ່ຕ້ອງການ ຫາກເຮັດເປັນປະຈຳກໍຈະຊ່ວຍເຮັດໃຫ້ຜິວພັນຂອງທ່ານນຽນນຸ່ມຊື່ນຊືນແລະເຕັ່ງຕຶງໄດ້
8. ຊ່ວຍເຕີມນໍ້າໃຫ້ຜິວ ເຮັດໃຫ້ຜິວໜ້າແລະຜິວກາຍຊຸ່ມຊື່ນ ແລະປ້ອງກັນການເກີດຮອຍແຮ່ວ ພຽງແຕ່ໃຊ້ວຸ້ນຈາກໃບຫວ້ານຫາງແຂ້ນ
ນໍາມາແປະ ໃຫ້ທົ່ວບໍລິເວນໃບໜ້າຫລືບໍລິເວນຜິວທີ່ຕ້ອງການ ຖິ້ມໄວ້ປະມານ 15 ນາທີແລ້ວລ້າງອອກ ຈະຊ່ວຍເຮັດໃຫ້ຜິວພັນຊຸ່ມຊື່ນສົດໃສແລະເບິ່ງເຕັງຕຶງຂຶ້ນ
9. ຫວ້ານຫາງແຂ້ຮັກສາສິວ ຢັບຢັ້ງການຕິດເຊື້ອທີ່ເປັນສາເຫດຂອງສິວ ຊ່ວຍຫຼຸດຮອຍດຳຈາກສິວ ແລະຊ່ວຍຫຼຸດຄວາມມັນເທິງໃບໜ້າ ເພາະໃນໃບຫວ້ານຫາງແຂ້ຈະມີລິດເປັນກົດອ່ອນ ໆ (ບໍ່ແນະໃຫ້ໃຊ້ກັບສິວອັກເສບ ເພາະຈະເຮັດໃຫ້ເກີດການຕິດເຊື້ອໄດ້ງ່າຍ)
10. ຊ່ວຍຮັກສາຈຸດດ່າງດຳຕາມຜິວໜັງ ອັນເນື່ອງມາຈາກແສງແດດຫລືຈາກອາຍຸທີ່ຫລາຍຂຶ້ນ ດ້ວຍການໃຊ້ວຸ້ນຈາກໃບສົດນຳທາທີ່ຜິວມື້ລະ 2 ເທື່ອຫຼັງອາບນ້ຳ ແລະຕ້ອງເຮັດຢ່າງຕໍ່ເນື່ອງສະໝໍ່າສະເໝີຈຶ່ງຈະເຫັນຜົນ
11. ຊ່ວຍປ້ອງກັນການເກີດຝ້າ ຫາກໃຊ້ຫວ້ານຫາງແຂ້ເປັນປະຈຳກໍຈະຊ່ວຍປ້ອງກັນການເກີດຝ້າໄດ້ເປັນຢ່າງດີ (ບໍ່ແມ່ນການຮັກສາແຕ່ເປັນການປ້ອງກັນ)
12. ວຸ້ນຈາກໃບສົດໃຊ້ທາເທິງເສັ້ນຜົມ ຈະຊ່ວຍເຮັດໃຫ້ເສັ້ນຜົມງາມ ຜົມດົກເປັນເງົາງາມ ຊ່ວຍປ້ອງກັນແລະກຳຈັດລັງແຄ ຊ່ວຍບຳລຸງຕ່ອມທີ່ຮາກຜົມໃຫ້ມີສຸກຂະພາບດີ ແລະຍັງຊ່ວຍຮັກສາບາດແຜ່ເທິງໜັງຫົວໄດ້ອີກນຳ
13. ໃນຟິລິບປິນ ໃຊ້ວຸ້ນຈາກຫວ້ານຫາງແຂ້ຮ່ວມກັບຕ່ອນໃນຂອງເມັດສະບ້າ ໃນການຮັກສາຜົມຫຼົ່ນຫລືໜັງຫົວລ້ານ
14. ປະຈຸບັນໄດ້ມີການທົດລອງໃຊ້ວຸ້ນຈາກໃບເພື່ອຮັກສາຄົນໄຂ້ທີ່ເປັນບາດແຜ່ກົດທັບ (Bedsore)
15. ຊ່ວຍລົບທ້ອງລາຍຫຼັງເກີດລູກ ດ້ວຍການໃຊ້ວຸ້ນຂອງຫວ້ານຫາງແຂ້ມາທາບໍລິເວນທ້ອງເປັນປະຈຳທັງໃນຂະນະຖືພາແລະຫຼັງເກີດ
16. ຊ່ວຍແກ້ເສັ້ນເລືອດດຳຂອດບໍລິເວນຂາ ດ້ວຍການໃຊ້ວຸ້ນຫວ້ານຫາງແຂ້ມາທາບໍລິເວນທີ່ເປັນເສັ້ນເລືອດຂອດເປັນປະຈຳ
17. ສານ Aloctin A ພົບວ່າມັນສາມາດຊ່ວຍປິ່ນປົວພະຍາດຕ່າງ ໆ ໄດ້ຫຼາຍພະຍາດ ເຊັ່ນ ພະຍາດມະເຮັງ ຊ່ວຍແກ້ອາການແພ້ ປິ່ນປົວພະຍາດຜິວໜັງ ເປັນຕົ້ນ
18. ໃນປະຈຸບັນມີຜະລິດຕະພັນຕ່າງ ໆ ຫຼາຍຮູບແບບ ທີ່ຜະລິດມາຈາກຫວ້ານຫາງແຂ້ ເຊັ່ນ ເຄື່ອງສຳອາງ ໂລຊັນ ສະບູ່ ຢາສະຜົມ ຄຣີມບຳລຸງຜິວ ຄຣີມທາໃຕ້ຕາ ຄຣີມຮັກສາຝ້າ ກະ ຈຸດດ່າງດຳ ຄຣີມທາບາດແຜ່, ບາດແຜ່ພອງ ເຈວຫວ້ານຫາງແຂ້ ເຈວບຳຣຸງຜິວໜ້າ ແລະ ອື່ນໆ
19. ນອກຈາກນີ້ຫວ້ານຫາງແຂ້ຍັງສາມາດນຳມາເຮັດເປັນອາຫານຈຳພວກຂອງຫວານໄດ້ອີກດ້ວຍ
© ຈໍາປາໂພສ | www.champapost.com
_________
Post a Comment