ຂອດບໍລິການເຂົ້າ-ອອກ ຍັງເປັນອຸປະສັກຕໍ່ນັກທ່ອງທ່ຽວທີ່ຈະເຂົ້າລາວ
ຍັງເຫຼືອບໍ່ພໍເທົ່າໃດເດືອນຂ້າງໜ້ານີ້ ສປປ ລາວ ຈະເປີດປີທ່ອງທ່ຽວຢ່າງເປັນທາງການ, ແຕ່ບັນ ຍາກາດໂດຍລວມກໍ່ຍັງບໍ່ທັນຄືກຄື້ນເທົ່າທີ່ຄວນ ຫາກທຽບໃສ່ຕົວເລກນັກທ່ອງທ່ຽວທີ່ຕັ້ງເປົ້າໄວ້ປະມານ 5 ລ້ານກວ່າຄົນ. ຂະນະທີ່ 6 ເດືອນຕົ້ນປີ 2017 ມີຈໍານວນນັກທ່ອງທ່ຽວທີ່ເດີນທາງເຂົ້າມາປະມານ 2 ລ້ານກວ່າຄົນ ຫາກຕ້ອງການໃຫ້ຕົວເລກບັນຈຸຕາມເປົ້າໝາຍທີ່ກຳນົດໄວ້ໃນປີ 2018 ລັດຖະບານຈະຕ້ອງໄດ້ປັບຂອດບໍລິການບາງດ້ານຕາມດ່ານຕ່າງໆທີ່ຍັງມີລັກສະນະຄຸມເຄືອ.
ທ່ານ ທິບພະຈັນ ໂພໄຊ ສສຊ ເຂດ 12 ແຂວງຄຳມ່ວນ
ສະເໜີໃນກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ VIII
ວ່າ: ໃນປີ 2018
ປີທ່ອງທ່ຽວລາວລັດຖະບານຕັ້ງເປົ້າຕົວເລກນັກທ່ອງທ່ຽວໄວ້ທີ່ 5.2
ລ້ານຄົນເປັນຕົວເລກທີ່ຂ້ອນຂ້າງສູງພໍສົມຄວນ ເພີ່ມຂຶ້ນຈາກ ປີ
2016 ເກືອບທົບເຄີ່ງ; ໂອກາດທີ່ຕົວເລກນັກທ່ອງທ່ຽວຈະບັນລຸ ຫຼື
ບໍ່ບັນລຸນັ້ນ ຍັງບໍ່ມີໃຜຢັ້ງຢືນຢ່າງຊັດເຈນ
ເຖິງແມ່ນວ່າລັດຖະບານຈະເປີດສາຍການບິນກົງຫຼາຍສາຍກັບບັນດາປະເທດໃກ້ຄຽງທີ່ເປັນທ່າແຮງສຳຄັນ
ສິ່ງທີ່ລັດຖະບານກໍ່ຄືຂົງເຂດທີ່ກ່ຽວຂ້ອງຄວນເບີ່ງຄືນເລື່ອງຂອດບໍລິການຢູ່ຫຼາຍດ່ານ
ໂດຍສະເພາະແມ່ນດ່ານຂົວມິດຕະພາບ ຄຳມ່ວນ-ນະຄອນພະນົມ (ປະເທດໄທ)
ທີ່ຍັງມີລັກສະນະຫຼາຍຂັ້ນຕອນເກີນໄປ,
ສ້າງຄວາມຫຍຸ້ງຍາກໃຫ້ກັບນັກທ່ອງທ່ຽວ
ບັນຫາດັ່ງກ່າວຫາກໄດ້ຮັບການແກ້ໄຂ ຫຼື
ມີການຄັດຈ້ອນຂັ້ນຕອນລົງຈະສົ່ງຜົນດີຕໍ່ການທ່ອງທ່ຽວຂອງລາວ.
ສສຊ ແຂວງຄຳມ່ວນອີກວ່າ: ໄລຍະຜ່ານມາເຫັນວ່າລັດຖະບານຍັງລົງທຶນໃສ່ຂະແໜງການທ່ອງທ່ຽວໜ້ອຍ ເຖິງແມ່ນວ່າເປັນຂະແໜງທີ່ສ້າງລາຍຮັບ, ວຽກເຮັດງານທຳໃຫ້ກັບຄົນທ່ອງຖິ່ນເປັນຢ່າງດີເນື່ອງຈາກ ສປປ ລາວ ຍັງມີຫຼາຍສະຖານທີ່ສວຍງາມ ອາດຈະມີການໂຄສະນາຕາມສື່ສິ່ງພີມທ້ອງຖິ່ນແຂວງ ແລະ ສູນກາງຈຳນວນໜຶ່ງເປັນທີ່ຮັບຮູ້ຂອງນັກທ່ອງທ່ຽວພາຍໃນ ແລະ ຕ່າງປະເທດ ບາງສະ ຖານທີ່ມີການໂຄສະນາແຕ່ເສັ້ນທາງເຂົ້າຫາຈຸດໝາຍຍັງບໍ່ອຳນວຍ ກໍ່ເຮັດໃຫ້ເສຍໂອກາດນັກທ່ອງທ່ຽວເຂົ້າໄປບໍ່ເຖິງ.
ໃນປີ 2016-2017 ຂະແໜງບໍລິການຂະຫຍາຍຕົວຫຼຸດເປົ້າໝາຍທີ່ກຳນົດ ເຊິ່ງນັກເສດຖະສາດຫຼາຍທ່ານເຫັນວ່າ ສະພາບເສດຖະກິດໂລກທີ່ກຳລັງມີການຟື້ນຕົວອາດຈະຕ້ອງໄດ້ໃຊ້ເວລາໄລຍະໃດໜຶ່ງໄລລະຜ່ານມານັກທ່ອງທ່ຽວທີ່ເດີນທາງມາ ສປປ ລາວ; ສ່ວນໃຫຍ່ແມ່ນມາຈາກ ໄທ, ຫວຽດນາມ, ສປ ຈີນ, ຮົງກົງ, ໄຕ້ຫວັນ, ສ.ເກົາຫຼີ ແລະ ປະເທດເອີຣົບ ຈຳນວນໜຶ່ງ.
ຂະນະທີ່ ສສຊ ຫຼາຍເຂດໃຫ້ຄວາມເຫັນວ່າ ເຖິງເວລາແລ້ວບໍ? ສຳລັບປີທ່ອງທ່ຽວລາວທີ່ຈະຕ້ອງໄດ້ປັບຂອດບໍລິການບາງດ້ານ ເພື່ອອຳນວຍຄວາມສະດວກແກ່ນັກທ່ອງທ່ຽວທີ່ຈະເດີນທາງເຂົ້າມາລາວ ຫຼາຍຂຶ້ນໃນປີ 2018. ນອກຈາກນີ້, ບໍລິສັດທ່ອງທ່ຽວ, ໂຮງແຮມ ແລະ ຮ້ານອາຫານຢູ່ໃນນະຄອນຫຼວງວຽງຈັນ ແລະ ແຕ່ລະແຂວງລົງໄປຫາທ້ອງຖິ່ນ ຄວນຈະມີກິດຈະກຳທີ່ເປັນການສົ່ງເສີມການຂາຍ ເພື່ອດຶງດູດນັກທ່ອງທ່ຽວໃຫ້ເຂົ້າມາໃຊ້ບໍລິການໃຫ້ຫຼາຍຂຶ້ນໃນລັກສະນະໂຄສະນາວົງກວ້າງ.
ແຫຼ່ງຂ່າວ: ເສດຖະກິດ-ການຄ້າ
© ຈໍາປາໂພສ | www.champapost.com
_________
ສສຊ ແຂວງຄຳມ່ວນອີກວ່າ: ໄລຍະຜ່ານມາເຫັນວ່າລັດຖະບານຍັງລົງທຶນໃສ່ຂະແໜງການທ່ອງທ່ຽວໜ້ອຍ ເຖິງແມ່ນວ່າເປັນຂະແໜງທີ່ສ້າງລາຍຮັບ, ວຽກເຮັດງານທຳໃຫ້ກັບຄົນທ່ອງຖິ່ນເປັນຢ່າງດີເນື່ອງຈາກ ສປປ ລາວ ຍັງມີຫຼາຍສະຖານທີ່ສວຍງາມ ອາດຈະມີການໂຄສະນາຕາມສື່ສິ່ງພີມທ້ອງຖິ່ນແຂວງ ແລະ ສູນກາງຈຳນວນໜຶ່ງເປັນທີ່ຮັບຮູ້ຂອງນັກທ່ອງທ່ຽວພາຍໃນ ແລະ ຕ່າງປະເທດ ບາງສະ ຖານທີ່ມີການໂຄສະນາແຕ່ເສັ້ນທາງເຂົ້າຫາຈຸດໝາຍຍັງບໍ່ອຳນວຍ ກໍ່ເຮັດໃຫ້ເສຍໂອກາດນັກທ່ອງທ່ຽວເຂົ້າໄປບໍ່ເຖິງ.
ໃນປີ 2016-2017 ຂະແໜງບໍລິການຂະຫຍາຍຕົວຫຼຸດເປົ້າໝາຍທີ່ກຳນົດ ເຊິ່ງນັກເສດຖະສາດຫຼາຍທ່ານເຫັນວ່າ ສະພາບເສດຖະກິດໂລກທີ່ກຳລັງມີການຟື້ນຕົວອາດຈະຕ້ອງໄດ້ໃຊ້ເວລາໄລຍະໃດໜຶ່ງໄລລະຜ່ານມານັກທ່ອງທ່ຽວທີ່ເດີນທາງມາ ສປປ ລາວ; ສ່ວນໃຫຍ່ແມ່ນມາຈາກ ໄທ, ຫວຽດນາມ, ສປ ຈີນ, ຮົງກົງ, ໄຕ້ຫວັນ, ສ.ເກົາຫຼີ ແລະ ປະເທດເອີຣົບ ຈຳນວນໜຶ່ງ.
ຂະນະທີ່ ສສຊ ຫຼາຍເຂດໃຫ້ຄວາມເຫັນວ່າ ເຖິງເວລາແລ້ວບໍ? ສຳລັບປີທ່ອງທ່ຽວລາວທີ່ຈະຕ້ອງໄດ້ປັບຂອດບໍລິການບາງດ້ານ ເພື່ອອຳນວຍຄວາມສະດວກແກ່ນັກທ່ອງທ່ຽວທີ່ຈະເດີນທາງເຂົ້າມາລາວ ຫຼາຍຂຶ້ນໃນປີ 2018. ນອກຈາກນີ້, ບໍລິສັດທ່ອງທ່ຽວ, ໂຮງແຮມ ແລະ ຮ້ານອາຫານຢູ່ໃນນະຄອນຫຼວງວຽງຈັນ ແລະ ແຕ່ລະແຂວງລົງໄປຫາທ້ອງຖິ່ນ ຄວນຈະມີກິດຈະກຳທີ່ເປັນການສົ່ງເສີມການຂາຍ ເພື່ອດຶງດູດນັກທ່ອງທ່ຽວໃຫ້ເຂົ້າມາໃຊ້ບໍລິການໃຫ້ຫຼາຍຂຶ້ນໃນລັກສະນະໂຄສະນາວົງກວ້າງ.
ແຫຼ່ງຂ່າວ: ເສດຖະກິດ-ການຄ້າ
© ຈໍາປາໂພສ | www.champapost.com
_________
Post a Comment